गायक पशुपति शर्मा कार दुर्घटनाबाट घाइते

२१ श्रावण,काठमाडौ / गायक तथा सर्जक पशुपति शर्मा सवार कार दुर्घटनामा परेको छ। पोखराबाट  वालिङ जाँदै गरेको ग १ च ४१७१ नम्बरको कार सिद्दार्थ राजमार्ग अन्तर्गत स्याङ्जाको भीरकोट नगरपालिका-२ मा कल्भर्टमा ठोक्किएर दुर्घटना भएको हो ।

बुधबार दिउँसो भएको दुर्घटनामा चार जना घाइते भएका छन्।दुर्घटनाबाट गायक शर्माको देब्रे हातमा चोट लागेको छ। कारमा सवार अन्य पनि सामान्य घाइते रहेको प्रहरीले जानकारी दिएको छ।