Post views: 17
काठमाडौं । दसैँ बिदा सुरु भएकै दिन वरिष्ठ पत्रकार किशोर श्रेष्ठलाई पक्राउ गर्न प्रहरी उनको निवास पुगेको खबर सार्वजनिक भएको छ।
प्राप्त विवरणअनुसार, ललितपुरको नख्खुस्थित श्रेष्ठको निवासमा केही समयअघि प्रहरी पुगेको बताइएको छ। श्रेष्ठले आफ्नो घरमा प्रहरी आएको जानकारी आफ्ना वकिललाई गराएको जनाइएको छ।
यद्यपि, प्रहरी उनको निवासमा पुग्नुको कारण, पक्राउ गर्न खोजिएको हो वा अन्य कुनै प्रयोजनका लागि प्रहरी पुगेको हो भन्नेबारे आधिकारिक विवरण सार्वजनिक भएको छैन।
यस घटनाबारे सम्बन्धित प्रहरी निकायको आधिकारिक भनाइ तथा पत्रकार श्रेष्ठको प्रतिक्रिया आउन बाँकी छ। थप विवरण प्राप्त भएपछि घटनाबारे थप तथ्य स्पष्ट हुने अपेक्षा गरिएको छ।
