Post views: 1
भाद्र २३ रसुवा। भोटेकोशी बाढीबाट प्रभावित बालबालिकाको शिक्षालाई निरन्तरता दिन छात्रवृत्ति योजना कार्यान्वयन गर्ने तयारी थालिएको छ।
बाढीका कारण प्रभावित परिवारका बालबालिकाको पढाइमा असर पर्न नदिन छात्रवृत्ति उपलब्ध गराउने उद्देश्यले आवश्यक कार्यविधि निर्माणको प्रक्रिया अघि बढाइएको छ।
कार्यविधिमा बाढीबाट प्रभावित बालबालिकाको पहिचान, छात्रवृत्ति पाउने आधार, रकम तथा सुविधा उपलब्ध गराउने प्रक्रिया र कार्यान्वयनसम्बन्धी विषय समेटिने बताइएको छ।
बाढीका कारण आर्थिक तथा पारिवारिक रूपमा प्रभावित भएका बालबालिकालाई शिक्षाबाट वञ्चित हुन नदिन छात्रवृत्ति कार्यक्रम ल्याउन लागिएको हो। यसबाट प्रभावित बालबालिकाको अध्ययनलाई निरन्तरता दिन सहयोग पुग्ने अपेक्षा गरिएको छ।
कार्यविधि तयार भएपछि सम्बन्धित निकायमार्फत छात्रवृत्ति योजना कार्यान्वयनमा ल्याइने तयारी गरिएको छ।
