Post views: 16
२७ असोज, काठमाडौं । राष्ट्रिय स्वतन्त्र पार्टी (रास्वपा) ले सांसद खगेन्द्र सुनारलाई सार्वजनिक कार्यक्रममा सहभागी नहुन निर्देशन दिएको छ ।
एक महिला सांसदलाई धम्की दिएको र ब्ल्याकमेलिङ गरेको भनिएको अडियो सार्वजनिक भएपछि रास्वपाले सुनारलाई औपचारिक कार्यक्रममा सहभागी हुन रोक लगाएको हो ।
रास्वपाका महामन्त्री विपिन आचार्यले विज्ञप्ति जारी गर्दै पार्टीको केन्द्रीय अनुशासन आयोगलाई तत्काल आन्तरिक छानबिन प्रक्रिया अघि बढाउन निर्देशन दिइएको जानकारी गराएका छन् ।
विज्ञप्तिअनुसार छानबिन प्रक्रिया प्रभावित हुन नदिन र पदीय नैतिकता कायम राख्न अनुसन्धान निष्कर्षमा नपुग्दासम्म सुनारलाई सार्वजनिक पदको हैसियतमा कुनै पनि औपचारिक कार्यक्रममा सहभागी नहुन निर्देशन दिइएको छ ।
पार्टीले सार्वजनिक भएको अडियोसँग सम्बन्धित विषयको सत्यतथ्य पत्ता लगाउन आन्तरिक छानबिन अघि बढाएको जनाएको छ ।
