Post views: 9
असोज १ काठमाडौं । विश्वकर्मा पूजाको अवसरमा काठमाडौंको भद्रकाली मन्दिर परिसरमा श्रद्धालुको भीड लागेको छ।
विश्वकर्मा पूजाका लागि बिहानैदेखि विभिन्न स्थानबाट भक्तजनहरू भद्रकाली मन्दिर परिसरमा पुगेका छन्। विशेषगरी उद्योग, कलकारखाना, सवारीसाधन तथा विभिन्न मेसिनरी सामग्रीको पूजा गर्नेहरूले विश्वकर्माको आराधना गर्दै पूजा तथा दर्शन गरेका छन्।
विश्वकर्मालाई निर्माण, प्रविधि तथा औजारका देवताका रूपमा पूजा गर्ने परम्परा रहेको छ। यस अवसरमा सवारीसाधन, मेसिन, औजार तथा कार्यस्थलमा पूजा गर्ने चलनसमेत रहेको छ।
पूजाका कारण भद्रकाली मन्दिर परिसरमा बिहानैदेखि चहलपहल बढेको छ। श्रद्धालुको आवागमन बढेसँगै परिसर आसपासको क्षेत्रमा समेत भीडभाड देखिएको छ।
