सुनको मूल्य तोलामा ३२ सय रुपैयाँ घट्यो, चाँदी पनि सस्तियो

काठमाडौं, ८ असोज । बिहीबार नेपाली बजारमा सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार २ सय रुपैयाँले घटेको हो।

महासंघले बिहीबारका लागि छापावाल सुनको मूल्य प्रतितोला २ लाख ९९ हजार १ सय रुपैयाँ तोकेको छ। बुधबार सुन प्रतितोला ३ लाख २ हजार ३ सय रुपैयाँमा कारोबार भएको थियो।

त्यस्तै, चाँदीको मूल्य पनि घटेको छ। आज चाँदी प्रतितोला १६५ रुपैयाँले घटेर ४ हजार ६ सय ५० रुपैयाँ कायम भएको महासंघले जनाएको छ।

बुधबार चाँदी प्रतितोला ४ हजार ८ सय १५ रुपैयाँमा कारोबार भएको थियो।

महासंघले दैनिक अन्तर्राष्ट्रिय बजारको मूल्य तथा अन्य बजार सूचकका आधारमा नेपालमा सुनचाँदीको मूल्य निर्धारण गर्दै आएको छ।