विराटनगरमा आगलागी, नियन्त्रणको प्रयास जारी

९ मंसिर विराटनगर / मोरङको विराटनगर महानगरपालिका–७ स्थित सरस्वती प्लास्टिक उद्योग पछाडिको क्षेत्रमा मंगलबार बिहान ‘भीषण’ आगलागी भएको छ ।

उद्योग नजिक थुपारिएको प्लास्टिकका फोहोरको डंगुरमा आगो सल्किएको प्रहरीको अनुमान छ । निजी आवासतर्फ आगो फैलन नदिन विराटनगर महागनरपालिकाको दमकल र सुरक्षाकर्मीले प्रयास गरिहेका छन् ।

प्लास्टिकको फोहोर जलाउने क्रममा आगो अनियन्त्रित भएको जिल्ला प्रहरी कार्यालय मोरङले जनाएको छ । आगो नियन्त्रणका लागि विराटनगर महानगरपालिकाको दमकल, सुरक्षाकर्मीको टोली खटिएका छन् ।