Post views: 7
काठमाडौं । विपद्का कारण समयमै सम्पत्ति विवरण बुझाउन नसकेका कर्मचारीलाई सरकारले थप ३० दिनको समय दिने भएको छ।
बाढी, पहिरो तथा अन्य प्राकृतिक विपद्का कारण तोकिएको समयमा सम्पत्ति विवरण बुझाउन नसकेका कर्मचारीलाई लक्षित गर्दै म्याद थप गर्ने निर्णय गरिएको हो।
सम्बन्धित निकायका अनुसार विपद्का कारण प्रभावित कर्मचारीले थप गरिएको अवधिभित्र आफ्नो सम्पत्ति विवरण बुझाउन सक्नेछन्। यसका लागि आवश्यक प्रक्रिया तथा विवरण सम्बन्धित कार्यालयमार्फत बुझाउनुपर्ने व्यवस्था गरिएको छ।
सरकारले विपद्का कारण कर्मचारीलाई परेको समस्यालाई ध्यानमा राख्दै यस्तो निर्णय गरेको जनाएको छ। थपिएको समयभित्र सम्पत्ति विवरण बुझाउन सम्बन्धित कर्मचारीलाई आग्रह गरिएको छ।
सम्पत्ति विवरण बुझाउनेसम्बन्धी अन्य प्रक्रिया तथा आवश्यक कागजात भने सम्बन्धित निकायले तोकेअनुसार हुने जनाइएको छ।
