Post views: 5
संविधान कार्यान्वयनको विषयमा नेकपा (माओवादी केन्द्र) का नेता वर्षमान पुनले सिद्धान्तमा संविधानका व्यवस्था बुझ्न र स्वीकार गर्न सहज भए पनि व्यवहारमा लागू गर्न चुनौती रहेको बताएका छन्।
उनका अनुसार संविधानले राजनीतिक, सामाजिक तथा राज्य सञ्चालनसँग सम्बन्धित विभिन्न व्यवस्था गरेको भए पनि ती व्यवस्थालाई व्यवहारमा प्रभावकारी रूपमा कार्यान्वयन गर्न सहज छैन।
संविधानका प्रावधान कार्यान्वयनका लागि आवश्यक कानुन, संस्थागत संरचना तथा राजनीतिक इच्छाशक्ति महत्वपूर्ण हुने उनले बताएका छन्।
संविधान कार्यान्वयनको क्रममा देखिएका व्यावहारिक चुनौती समाधान गर्दै अघि बढ्नुपर्नेमा उनले जोड दिएका छन्। संविधानका व्यवस्था नागरिकको दैनिक जीवनमा अनुभूति हुने गरी कार्यान्वयन हुनुपर्ने उनको भनाइ छ।
