संसद्को कार्यसूची हेरफेर, सामुद्रिक कानुनसम्बन्धी महासन्धि आजै अनुमोदन गरिने

काठमाडौं । संघीय संसद्को आजको बैठकको कार्यसूचीमा हेरफेर गरिएको छ । हेरफेर गरिएको कार्यसूचीअनुसार संयुक्त राष्ट्रसंघीय सामुद्रिक कानुनसम्बन्धी महासन्धि अनुमोदन गर्ने प्रस्ताव आजै संसद्बाट अघि बढाइने भएको छ ।

संसद् सचिवालयले सार्वजनिक गरेको संशोधित कार्यसूचीमा महासन्धि अनुमोदनसम्बन्धी प्रस्ताव समावेश गरिएको हो । यसअघि तय गरिएको कार्यसूचीमा केही विषय रहे पनि पछिल्लो संशोधनमार्फत सामुद्रिक कानुनसम्बन्धी महासन्धिलाई प्राथमिकताका साथ अघि बढाउने तयारी गरिएको छ ।

संयुक्त राष्ट्रसंघीय सामुद्रिक कानुनसम्बन्धी महासन्धि समुद्र तथा समुद्री स्रोतको उपयोग, समुद्री क्षेत्रको अधिकार र राज्यहरूको दायित्वसँग सम्बन्धित अन्तर्राष्ट्रिय कानुनी व्यवस्था हो ।

आजको बैठकबाट उक्त महासन्धि अनुमोदन भएमा नेपालले समुद्री कानुनसम्बन्धी अन्तर्राष्ट्रिय व्यवस्थासँग आफ्नो कानुनी तथा कूटनीतिक सम्बन्धलाई थप औपचारिक बनाउनेछ ।