Post views: 31
१८ असोज, रसुवा । बाढीका कारण क्षतिग्रस्त रसुवाको गल्छी–वेत्रावती सडक खण्डमा अस्थायी ट्रयाक खोल्ने काम भइरहेको छ।
क्षतिग्रस्त सडकमा डोजर परिचालन गरी अस्थायी ट्रयाक निर्माणको काम अघि बढाइएको हो। बाढीले सडकको विभिन्न भागमा क्षति पुर्याएपछि यातायात सञ्चालनमा समस्या भएको थियो।
सडक खुलाउन डोजरको सहयोगमा क्षतिग्रस्त स्थानमा माटो तथा ढुंगा हटाउने र वैकल्पिक मार्ग तयार गर्ने काम भइरहेको छ। अस्थायी ट्रयाक खुलेपछि सडकमा सवारी आवागमन सहज हुने अपेक्षा गरिएको छ।
बाढीबाट सडक संरचनामा क्षति पुगेकाले स्थायी रूपमा सडक सञ्चालनमा ल्याउन थप काम आवश्यक रहेको जनाइएको छ।
