Post views: 22
२० असोज, काठमाडौं । नेपाली कांग्रेसको १५औँ महाधिवेशनअन्तर्गत नयाँ कार्यसमिति चयनका लागि मंगलबार उम्मेदवारी मनोनयन दर्ता भइरहेको छ । निर्वाचन समितिले काठमाडौंस्थित राष्ट्रिय सभागृहमा उम्मेदवारी दर्ताको व्यवस्था मिलाएको छ ।
नयाँ कार्यसमितिका विभिन्न पदमा उम्मेदवारी दर्ता गर्ने क्रम चलिरहँदा पदाधिकारीतर्फ उल्लेख्य संख्यामा उम्मेदवारी परेको छ । विशेषगरी उपसभापति, महामन्त्री र सहमहामन्त्रीका विभिन्न समूहमा उम्मेदवारी दर्ता भएको छ ।
हालसम्म सभापति पदमा श्यामकृष्ण खड्गीले उम्मेदवारी दर्ता गरेका छन् । सभापतिमा उम्मेदवारी घोषणा गरेका गगनकुमार थापा र किशोरसिंह राठौरको उम्मेदवारी भने दर्ता हुन बाँकी रहेको स्रोतले जनाएको छ ।
वरिष्ठ उपसभापति पदमा विश्वप्रकाश शर्माको एकल उम्मेदवारी परेको छ । उनले वारेसमार्फत उम्मेदवारी दर्ता गराएका हुन् ।
कांग्रेसको संशोधित विधानअनुसार पदाधिकारीको संख्या बढाइएको छ । नयाँ व्यवस्थाअनुसार वरिष्ठ उपसभापति र महिला उपसभापतिको पद थपिएको छ भने उपसभापतिको संख्या चार पुगेको छ । महामन्त्रीको संख्या तीन र सहमहामन्त्रीको संख्या ११ पुर्याइएको छ ।
पदाधिकारीमा हालसम्म परेका उम्मेदवारी
सभापति
वरिष्ठ उपसभापति
उपसभापति (खुला)
- डा. चन्द्रमोहन यादव
- सुरेन्द्रराज पाण्डे
- डा. मीनेन्द्र रिजाल
- गोविन्द भट्टराई
- देवराज चालिसे
- मधुप्रसाद आचार्य
उपसभापति (समावेशी)
- विनोद चौधरी
- फरमुल्लाह मन्सुर
- जीवन परियार
महिला उपसभापति
महामन्त्री (महिला)
- डिला संग्रौला
- रिता खनाल
- महालक्ष्मी उपाध्याय ‘डिना’
महामन्त्री (खुला)
- शंकर तिवारी
- सुनिल शर्मा
- नैनसिंह महर
- प्रदीप पौडेल
- गुरुराज घिमिरे
- अमरसिंह पुन
सहमहामन्त्री (महिला)
सहमहामन्त्री (खुला)
- देवेन्द्रराज कँडेल
- रामहरि खतिवडा
सहमहामन्त्री (पिछडिएको क्षेत्र)
सहमहामन्त्री (खसआर्य)
- मनोजमणि आचार्य
- अजयबाबु शिवाकोटी
- जगदिश्वरनरसिंह केसी
सहमहामन्त्री (आदिवासी जनजाति)
सहमहामन्त्री (थारु)
सहमहामन्त्री (अल्पसंख्यक)
सहमहामन्त्री (मुस्लिम)
सहमहामन्त्री (मधेशी)
उम्मेदवारी दर्ताको क्रम जारी रहेकाले पदाधिकारीतर्फ उम्मेदवारको संख्या अझै बढ्न सक्ने देखिएको छ ।
