मोहनबहादुर बस्नेत विशेष अदालतमा उपस्थित

१५ असार काठमाडौँ / पूर्वमन्त्री मोहनबहादुर बस्नेत विशेष अदालतमा उपस्थित भएका छन् । नेपाल दूरसञ्चार प्राधिकरणको टेरामक्स प्रविधि खरिद भ्रष्टाचार मुद्दामा बयान दिन उनी अदालतमा उपस्थित भएका हुन् ।

पूर्वमन्त्री बस्नेतको बयान लिन थालिएको विशेष अदालतका उपरजिस्टार कृष्णशरण लामिछानेले बताए । विशेष अदालतका सदस्यहरू तेजनारायण सिंह राई, रामबहादुर थापा र विदुर कोइरालाको इजलासमा बस्नेको बयान सुरु भएको हो ।

बयान सकिएपछि आजै उनी विरुद्ध थुनछेक बहस हुनेछ । बस्नेत सञ्चार तथा सूचना प्रविधि मन्त्री हुँदा उनैको निर्णयबाट टेरामक्स प्रविधि खरिदको निर्णय भएको थियो । अख्तियारले मुद्दा दायर गरेपछि बस्नेतको सांसद पद निलम्बन भएको थियो ।