उम्मेदवार मनोनयन स्थगितदेखि गगन–विश्वको पद खारेजीसम्म देउवा पक्षको माग

माघ ४, काठमाडौँ / कांग्रेसको सभापति शेरबहादुर देउवा पक्षले गगन थापा समूहलाई आधिकारिकता दिने निर्वाचन आयोगको निर्णयविरुद्ध पेस गरेको रिट सर्वोच्च अदालतमा दर्ता भएको छ।

शेरबहादुर देउवा र पूर्णबहादुर खड्काका तर्फबाट रिट दायर भएको हो । रिटमा देउवा पक्षले प्रतिनिधिसभा प्रत्यक्षतर्फको मनोनयन स्थगित गर्न पनि अन्तरिम आदेशको माग गरेको छ ।सर्वोच्च प्रशासनले पहिलो सुनुवाइ मंगलबार तोकेको छ । मनोनयन दर्ताको मिति तोकिसकेको भए देउवा पक्षले मनोनयनको अर्को मिति घोषणा गर्न निर्वाचन आयोगलाई माग गरेको छ । साथै, रिटमा विशेष महाधिवशेनवाट निर्वाचित सभापति गगन थापासहितका पदाधिकारीलाई मान्यता दिने निर्वाचन आयोगको निर्णय बदर हुनुपर्ने माग पनि गरेको छ ।

उनीहरुले निर्वाचन आयोग, विशेष महाधिवेशनबाट चयन भएको नयाँ कार्यसमिति अनि सभापति गगनकुमार थापा र उपसभापति विश्वप्रकाश शर्मालाई विपक्षी बनाएका छन् ।