Post views: 8
७ मंसिर चितवन / चितवनमा गाडी दुर्घटना हुँदा एक जनाको मृत्यु भएको छ । शनिबार राति साढे १० बजे चितवनको कालिका नगरपालिका–११ सिद्धि कल्याण चौरको भित्री सडकमा बा १८ च ८९७३ नम्बरको बोलेरो गाडी दुर्घटना हुँदा चालकको मृत्यु भएको हो ।
जिल्ला प्रहरी कार्यालय चितवनका सूचना अधिकारी डिएसपी रवीन्द्र खनालका अनुसार गाडी अनियन्त्रित भएर दुर्घटना भएको थियो । दुर्घटनामा गाडी चालक खैरहनी नगरपालिका–४ का राममणि न्यौपानेको मृत्यु भएको छ । दुर्घटनामा गम्भीर घाइते न्यौपानेको उपचारका लागि भरतपुर अस्पतालमा पुर्याउँदा राति नै चिकित्सकले मृत घोषणा गरेको डिएसपी खनालले जानकारी दिए ।
