Post views: 37
१४ मङ्सिर, पोखरा / पोखराको चिप्लेढुंगा र मानवअधिकार क्षेत्रमा राजनीतिक भेला र सभा सम्मेलन रोकिदिन माग गर्दै व्यवसायीहरूले प्रशासन र स्थानीय सरकारलाई ज्ञापनपत्र बुझाए ।
दलहरुको सभा सम्मेलनले आफूहरूको व्यापार व्यवसायमा समस्या परेको भन्दै प्रमुख जिल्ला अधिकारी रुद्रादेवी शर्मा, पोखराका मेयर धनराज आचार्य, जिल्ला ट्राफिक प्रहरी प्रमुख, पोखरा महानगर ४ का वडाध्यक्ष लगायतलाई ज्ञापनपत्र बुझाएका हुन् ।
सडक कब्जा गरेर गरिने राजनीतिक कार्यक्रम र अव्यवस्थित पार्किङले सास्ती दिएको भन्दै चिप्लेढुंगा सिद्धार्थचोक व्यवसायी समितिले सरोकारवाला निकायहरूलाई ध्यानाकर्षण गराएका हुन् । यस्ता कार्यक्रमहरुले ध्वनि प्रदूषण हुनुका साथै व्यवसायमा समेत असर परेको उनीहरूले गुनासो गरे। ध्यानाकर्षण पत्रमा चिप्लेढुङ्गा टोल विकास संस्था, चिप्लेढुङ्गा पश्चिम सडक उपभोक्ता समिति, महिला समाज सेवा समिति र आदर्शमार्ग २ टोल विकास संस्थाको समेत ऐक्यबद्धता जनाएको छ ।
