भूमि आयोग खारेजीविरुद्धको रिटको पेसी आज हुने

१४ मङ्सिर ,काठमाडौँ /  आज भूमि आयोग खारेजीविरुद्धको रिटमाथिको सुनुवाइ हुने भएको छ ।  गत असोज २३ गते बसेको मन्त्रिपरिषद् बैठकले गरेको भूमि समस्या समाधान आयोग र त्यस जिल्लाका समिति खारेज गर्ने निर्णयविरुद्ध आयोगका अध्यक्ष हरिप्रसाद रिजालले दायर गरेको रिटमा दिएको अल्पकालीन अन्तरिम आदेशलाई निरन्तरता दिने कि नदिने भन्ने विषयमा आज बहस हुने भएको हो ।

सर्वोच्च अदालतले भूमि आयोग खारेज गर्ने सरकारको निर्णय कार्यान्वयन नगर्न यसअघि नै आदेश दिएको थियो भने उक्त निर्णय विरुद्ध अध्यक्ष रिजाल सर्वोच्च अदाल गएका थिए । अदालतले विपक्षी प्रधानमन्त्री तथा मन्त्रिपरिषद्को कार्यालय र भूमि व्यवस्था, सहकारी तथा गरिबी निवारण मन्त्रालयलाई १५ दिनभित्र लिखित जवाफ पेस गर्न निर्देशन दिएको थियो भने साथै अन्तरिम आदेश जारी गर्ने नगर्ने सम्बन्धमा दुवै पक्षलाई बोलाएर सुनुवाइ गर्ने भनेको थियो ।

आयोग खारेजीको निर्णय प्रतिशोधपूर्ण भएको रिट निवेदकको दाबी छ, जसमा हजारौं भूमिहीनहरू प्रभावित हुनेछन्। करिब एक महिनापछि आज अदालतमा यसबारे छलफल हुन लागेको हो ।