इन्द्रजात्राको लिङ्गो नगर प्रवेश गराइयो

१५ भदौै काठमाडौँ / यस वर्षको इन्द्रजात्रा लागि लिङ्गो नगर प्रवेश गराइएको छ । साइत आज बिहान ९ः५२ बजे भोटाहिटीबाट लिङ्गो नगर प्रवेश गराइएको हो ।

यसअघि भदौ ९ गते सोमबार बिहान ९ः४६ बजे वन यात्रा गरी राति ९ः३२ बजे लिङ्गोका लागि रुख काटिएको थियो । लिङ्गोलाई भदौ १९ गते बिहीबार बिहान १०ः३१ बजे साइतमा इन्द्रध्वजोत्थान गरिने साइत रहेको छ । सोही दिन बेलुकी कुमारी, गणेश र भैरवको सवारी तलेजु मुलचोकमा निस्कनेछ ।

त्यसपछि भदौ २१ गते शनिबार कुमारी, गणेश र भैरवको तल्लो टोल यात्रा, भदौ २२ गते आइतबार माथिल्लो टोल रथ यात्रा तथा भदौ २६ गते बिहीबार रथ बिचको टोल यात्रा सम्पन्न हुने बताइएको छ ।

इन्द्रजात्रा अन्तर्गतको अन्तिम दिन भदौ २६ गते राति १०ः३२ बजे हनुमानढोकामा ठड्याइएको यःसिं ढालेर टेकु दोभानमा सेलाएर जात्रा विधिवत् सम्पन्न गरिनेछ ।