पूर्वराष्ट्रपति विद्या भण्डारी बारामा, एमाले नेता–कार्यकर्तासँग भेटघाट गर्ने

१५ भदौ काठमाडौँ / नेकपा एमालेको सक्रिय राजनीतिमा फर्किएकी पूर्वराष्ट्रपति विद्यादेवी भण्डारी शनिबारदेखि मधेस प्रदेश भ्रमणमा छिन् ।
एक कार्यक्रमका लागि शनिबार बिहान पर्साको वीरगन्ज पुगेकी उनले एमाले–नेता कार्यकर्तासँग भेटघाट पनि गरिरहेकी छन् ।

यस क्रममा आज उनले बारामा दिनभर एमाले नेता–कार्यकर्तासँग भेटघाट गर्ने कार्यक्रम रहेको एमालेनिकट विद्यार्थी नेता प्रकाश पौडेलले जानकारी दिए ।

यसअघि आज बिहान पूर्वराष्ट्रपति भण्डारीले बारास्थित गढीमाई मन्दिर दर्शन गरेकी छन् । त्यस क्रममा उनलाई महागढीमाई नगरपालिकाका मेयर उपेन्द्र यादवसहित स्थानीयले स्वागत गरेका थिए ।