फुर्के खोलामा अस्थायी पुल जडान गर्न पन्टुन ब्रिज मलेखु आइपुग्यो

२० कात्तिक, धादिङ । धादिङका १३ स्थानीय तहको पहलमा फुर्के खोलामा अस्थायी पुल निर्माणका लागि पन्टुन ब्रिज मलेखु आइपुगेको छ ।

बर्दियाको राजापुरबाट ल्याइएको पन्टुन ब्रिज धादिङको मलेखु आइपुगेको हो । फुर्के खोलामा पुल जडान भएपछि आवतजावतमा सहजता हुने अपेक्षा गरिएको छ ।

स्थानीय तहहरूको संयुक्त पहलमा ल्याइएको उक्त पुल जडानको तयारी भइरहेको छ । पुल सञ्चालनमा आएपछि फुर्के खोला क्षेत्रका स्थानीय तथा यात्रुलाई आवतजावतमा राहत पुग्ने विश्वास गरिएको छ ।