कैलालीमा नालाको पानीमा डुबेर एक बालकको मृत्यु

माघ २७, कैलाली / कैलाली भजनी नगरपालिका–७ चर्रामा नालामा जमेको पानीमा खसेर १८ महिने बालकको मृत्यु भएको छ । स्थानीय बिपत राम कठरियाका छोरा अमन कठरिया सोमबार साँझ घर आँगनमा खेलिरहेको बेला नजिकैको नालामा जमेको पानीमा खसेको थियो । नालामा खसेर गम्भीर घाइते भएका बालकलाई उपचारका लागि प्राथमिक स्वास्थ्य केन्द्र भजनी लगिएको थियो। उपचारकै क्रममा उनको मृत्यु भएको प्रहरीले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।