Post views: 43
२९ साउन काठमाडौं / नागढुंगा सुरुङमार्गबाट सवारी आउजाउ गर्दा लाग्ने शुल्क सरकारले निर्धारण गरेको छ । साउन २६ गते बसेको मन्त्रिपरिषद् बैठकले दस्तुर दरलाई सवारी प्रकार र दिशा अनुसार फरक–फरक तोकेको हो। दरअनुसार कार र भ्यानले काठमाडौँ प्रवेश गर्दा ६५ रुपैयाँ र बाहिरिँदा ६० रुपैयाँ तिर्नुपर्नेछ ।
मिनी बस र ट्रकका लागि प्रवेश शुल्क ११५ रुपैयाँ र बाहिरिने शुल्क ८० रुपैयाँ तोकिएको हो । बस तथा ठूला ट्रकलाई प्रवेशमा २६० रुपैयाँ र बाहिरिँदा २०० रुपैयाँ लाग्नेछ । त्यस्तै, भारी उपकरणसहित प्रवेश गर्दा ६०० रुपैयाँ र बाहिरिँदा २५० रुपैयाँ तिर्नुपर्ने तोकिएको हो ।
