शिक्षामन्त्री पुनले गरे अभिभावकलाई आन्दोलन गर्न आग्रह

पुष ६,काठमाडौं /  शिक्षामन्त्री महावीर पुनले अभिभावकहरुलाई एकजुट भएर आन्दोलन गर्नलाई आग्रह गरेका छन् ।

शिक्षामन्त्री महावीर पुनले देशभरका विद्यालयमा भएका मनपरी,
बेथिति, भ्रष्टाचार र राजनीति हटाउन अभिभावक एकजुट भएर आन्दोलन गर्नुपर्ने बताएका छन्।

शिक्षा मन्त्रालयले काठमाडौंबाट निर्देशन दिएर मात्र नपुग्ने भन्दै उनले अभिभावकले आन्दोलन गरेर कडा चेतावनी नदिएसम्म विद्यालय सुधार नहुने बताएका हुन्।
शिक्षामन्त्री पुनले फेसबुकमा लेखेका छन्, ‘शिक्षा मन्त्रालयले मात्र काठमाडौंबाट निर्देशन दिएर नपुग्ने भयो। लौ त स्थानीय अभिभावकहरु, आफ्नो छोराछोरीको भविष्यका लागि जाग्नुहोस्।’