२०८३ मंसिर २, मंगलबार

खेतमै जलेर नष्ट

झापामा १८ कट्ठाको धानमा आगजनी, खेतमै जलेर नष्ट भयो किसानको वर्षभरिको मेहनत

झापामा धानमा आगजनी
झापामा १८ कट्ठाको धानमा आगजनी, खेतमै जलेर नष्ट भयो किसानको वर्षभरिको मेहनत

झापा । झापाको कनकाई नगरपालिकामा काटेर खेतमै थुपारेर राखिएको १८ कट्ठा खेतको धानमा आगजनी हुँदा सम्पूर्ण धान जलेर नष्ट भएको छ ।
प्राप्त जानकारीअनुसार आइतबार राति करिब १ देखि २ बजेको बीचमा अज्ञात व्यक्तिले खेतमा थुपारेर राखिएको धानमा आगो लगाएका हुन् । आगलागीबाट १८ कट्ठा क्षेत्रफलमा लगाइएको धान पूर्ण रूपमा जलेर नष्ट भएको बताइएको छ ।
अर्काको खेतमा मेहनत र पसिना बगाएर धान फलाएका किसानले घर भित्र्याउने तयारी गरिरहेका बेला आगजनी भएपछि ठूलो क्षति व्यहोर्नुपरेको छ । वर्षभरिको मेहनत खेतमै खरानी बनेपछि पीडित किसानमाथि बज्रपात परेको छ ।
घटनाका कारण किसानलाई ठूलो आर्थिक क्षति पुगेको छ भने घटनाले मानसिक रूपमा समेत पीडा दिएको छ ।
धानमा आगजनी कसले र किन गर्‍यो भन्ने विषयमा थप विवरण आउन बाँकी छ । घटनाबारे थप अनुसन्धानपछि वास्तविकता खुल्ने अपेक्षा गरिएको छ ।

यो पनि

ताजा अपडेट

यो साताको प्रचलित

खोजी गर्नुहोस