पहिलो त्रैमासमा वाणिज्य बैंकहरूको नाफा १९ अर्ब ११ करोड, नबिल पहिलो स्थानमा

काठमाडौं । चालु आर्थिक वर्ष २०८३/८४ को पहिलो त्रैमासमा वाणिज्य बैंकहरूले कुल १९ अर्ब ११ करोड रुपैयाँ खुद नाफा आर्जन गरेका छन् ।

२० वटा वाणिज्य बैंकले सार्वजनिक गरेको अपरिष्कृत वित्तीय विवरणअनुसार अधिकांश बैंकको नाफामा सुधार देखिएको छ भने केही बैंकको नाफा सामान्य घटेको छ । यस अवधिमा १० वटा बैंकले १ अर्ब रुपैयाँभन्दा बढी खुद नाफा कमाएका छन् ।

पहिलो त्रैमासमा सबैभन्दा धेरै नाफा कमाउने बैंकको सूचीमा नबिल बैंक पहिलो स्थानमा रहेको छ । बैंकले २ अर्ब ५५ करोड ५१ लाख रुपैयाँ खुद नाफा कमाएको छ । गत आर्थिक वर्षको सोही अवधिमा बैंकले १ अर्ब ७५ करोड ६९ लाख रुपैयाँ नाफा आर्जन गरेको थियो ।

दोस्रो स्थानमा रहेको ग्लोबल आइएमई बैंकले २ अर्ब ३१ करोड ३८ लाख रुपैयाँ खुद नाफा कमाएको छ । गत वर्षको पहिलो त्रैमासमा बैंकको नाफा १ अर्ब ८५ करोड ८६ लाख रुपैयाँ थियो ।

सरकारी स्वामित्वको राष्ट्रिय वाणिज्य बैंकले पनि नाफामा उल्लेख्य सुधार गरेको छ । बैंकले यस अवधिमा १ अर्ब ६४ करोड ९८ लाख रुपैयाँ नाफा कमाएको छ । गत वर्षको सोही अवधिमा बैंकको नाफा ५८ करोड ८७ लाख रुपैयाँ थियो ।

यी हुन् १ अर्बभन्दा बढी नाफा कमाउने १० बैंक

पहिलो त्रैमासमा १ अर्ब रुपैयाँभन्दा बढी नाफा कमाउने अन्य बैंकमा एभरेष्ट बैंक, प्राइम कमर्सियल बैंक, नेपाल इन्भेष्टमेन्ट मेगा बैंक, एनएमबि बैंक, कृषि विकास बैंक, कुमारी बैंक र सानिमा बैंक रहेका छन् ।

एभरेष्ट बैंकले १ अर्ब २५ करोड २७ लाख, प्राइम कमर्सियल बैंकले १ अर्ब १८ करोड ७६ लाख र नेपाल इन्भेष्टमेन्ट मेगा बैंकले १ अर्ब १८ करोड १४ लाख रुपैयाँ नाफा कमाएका छन् ।

त्यस्तै, एनएमबि बैंकले १ अर्ब १६ करोड ४२ लाख, कृषि विकास बैंकले १ अर्ब ९ करोड २३ लाख, कुमारी बैंकले १ अर्ब ७ करोड ४५ लाख र सानिमा बैंकले १ अर्ब ५ करोड १४ लाख रुपैयाँ खुद नाफा आर्जन गरेका छन् ।

नेपाल इन्भेष्टमेन्ट मेगा बैंकले गत वर्षको पहिलो त्रैमासमा ४५ करोड ५ लाख रुपैयाँ मात्रै नाफा कमाएकोमा यस वर्ष उल्लेख्य वृद्धि गरेको छ ।

सिटिजन्स बैंक घाटाबाट नाफामा फर्कियो

गत आर्थिक वर्षको पहिलो त्रैमासमा २२ करोड ४ लाख रुपैयाँ नोक्सानीमा रहेको सिटिजन्स बैंक यस वर्ष नाफामा फर्किएको छ । बैंकले चालु आर्थिक वर्षको पहिलो तीन महिनामा १० करोड २७ लाख रुपैयाँ खुद नाफा कमाएको छ ।

यस्तै, लक्ष्मी सनराइज बैंकले ६५ करोड ३३ लाख रुपैयाँ नाफा कमाएको छ । गत वर्षको सोही अवधिमा बैंकको नाफा ३३ करोड २३ लाख रुपैयाँ थियो ।

प्रभु बैंकले ६४ करोड ७४ लाख रुपैयाँ नाफा कमाएको छ । गत वर्षको पहिलो त्रैमासमा बैंकको नाफा ३६ करोड ५७ लाख रुपैयाँ थियो । त्यसैगरी, सिद्धार्थ बैंकले ८५ करोड १५ लाख रुपैयाँ नाफा आर्जन गरेको छ । गत वर्ष बैंकको नाफा ३२ करोड ४० लाख रुपैयाँ थियो ।

२० वाणिज्य बैंकको खुद नाफा विवरण