Post views: 59
१७ मंसिर, काठमाडौं / शिक्षा, विज्ञान तथा प्रविधि मन्त्री महावीर पुनले विद्यालय व्यवस्थापन समिति गठन नगर्ने पालिकाहरूको नाम संकलन भइरहेको र उक्त समिति गठन नगरे अनुदान रोक्ने चेतावनी दिएका छन् ।
पालिकाहरुलाई नियम अनुसार विद्यालय व्यवस्थापन समिति गठन गर्न सूचना जारी गरिएको मन्त्री पुनले बताए । शिक्षामन्त्री महावीर पुनले विद्यालय व्यवस्थापन समिति गठन नगरी मनोमानी ढंगले विद्यालय सञ्चालन गर्ने पालिकालाई चेतावनी दिएका छन् । मन्त्रालयले तत्काल समिति गठन गर्न निर्देशन दिँदै सो निर्देशन पालना नगरेमा संघीय अनुदान रोक्का गरिने जनाएको छ र पीडित अभिभावकलाई समेत जानकारी दिन आग्रह गरेका छन् ।
