महानगर कार्यपालिकाले बालेनलाई दियो धन्यवाद

माघ ४, काठमाडौँ / काठमाडौँ महानगरपालिकाको कार्यपालिका बैठकले मेयर बालेन्द्र शाहको राजीनामा पछि कार्यवाहक प्रमुख सुनिता डंगोलले कार्यपालिकामा जानकारी गराउँदै धन्यवाद प्रस्ताव पेस गरेकी थिइन् । जसमा कार्यपालिका सदस्यहरूले धन्यवाद प्रस्ताव सर्वसम्मतले पास गरेका हुन् ।
बालेनले महानगरमा पुर्‍याएको योगदान र आगामी दिनमा समेत सुझाव दिन अनुरोध गर्दै धन्यवाद दिइएको हो । धन्यवाद प्रस्ताव कार्यपालिकामा लैजानु अघि मेयर बालेनलाई बोलाइएको थियो । तर बालेन भने आएनन् ।

उनी नआएपछि कार्यवाहक प्रमुख डंगोलले बालेनको कुर्सी छेउमा खाली राखेकी थिइन् । ‘उहाँलाई बोलाएका हो तर आउनुभएन, खैर केहि छैन । उहाँले गरेको योगदानको आधारमा धन्यवाद दिएका छौँ,’ एक कार्यपालिका सदस्यले भने ।