२०८३ मंसिर ३, बुधबार

अन्तरिम आदेश जारी गर्ने वा नगर्ने विषयमा दुवै पक्षका कानुन व्यवसायीले बहस गर्नेछन्।

दानबहादुर कार्कीको रिटमा मंसिर ७ गते फेरि सुनुवाइ हुने

दानबहादुर कार्कीको रिटमा मंसिर ७ गते सर्वोच्चमा फेरि सुनुवाइ
दानबहादुर कार्कीको रिटमा मंसिर ७ गते फेरि सुनुवाइ हुने

२ मंसिर, काठमाडौं । निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा अन्तरिम आदेश जारी गर्ने वा नगर्ने भन्ने विषयमा सर्वोच्च अदालतमा फेरि सुनुवाइ हुने भएको छ ।

सर्वोच्च अदालतका न्यायाधीश श्रीकान्त पौडेलको एकल इजलासले आगामी सोमबार (मंसिर ७ गते) अन्तरिम आदेशबारे छलफल गर्न दुवै पक्षलाई बोलाउने आदेश दिएको हो ।

उक्त दिन रिट निवेदक कार्कीका कानुन व्यवसायी, सरकारको निर्णयको प्रतिरक्षा गर्ने सरकारी वकिल तथा नवनियुक्त प्रहरी महानिरीक्षक डा. मनोज केसीका तर्फबाट बहस गर्ने कानुन व्यवसायीले आफ्नो पक्ष राख्नेछन् ।

यसअघि बुधबार सर्वोच्च अदालतले कार्कीको मागअनुसार तत्काल अल्पकालीन अन्तरिम आदेश जारी गर्न अस्वीकार गरेको थियो । दुवै पक्षको बहस सुनेपछि मात्रै अन्तरिम आदेश जारी गर्ने वा नगर्ने भन्ने निर्णय लिन छलफलका लागि बोलाइएको हो ।

मन्त्रिपरिषद् बैठकले दानबहादुर कार्कीलाई प्रहरी महानिरीक्षकको जिम्मेवारीबाट हटाएर प्रधानमन्त्रीको सुरक्षा सल्लाहकार बनाउने निर्णय गरेको थियो । त्यसपछि एआईजी डा. मनोज केसीलाई नयाँ प्रहरी महानिरीक्षकमा नियुक्त गरिएको थियो ।

सरकारको उक्त निर्णय गैरकानुनी भएको दाबी गर्दै कार्कीले आफूलाई प्रहरी महानिरीक्षकमा पुनर्बहाली गर्न मागसहित सर्वोच्च अदालतमा रिट निवेदन दायर गरेका थिए ।

यो पनि

ताजा अपडेट

यो साताको प्रचलित

खोजी गर्नुहोस